Норуоттар сомоҕолоһууларын күнүн көрсө, Сандал СК 69 үлэтин сезонун арыйар дьоро күҥҥэ араас көлүөнэ дьон мустаммыт, бары биир сомоҕо буолан күргүөмүнэн күлэн-үөрэн, ыллаан-туойан, үҥкүүлээн нэһилиэк олохтоохторугар кэнсиэр көрдөрдүбүт. Кэнсиэргэ уопсайа 34 киһи кыттыыны ылла. Кэнсиэри Долун фольклорнай бөлөх сахалыы тыынынан арчылаан саҕалаатылар. Саҥа специалист Санаайа Курилкина сана үҥкүүлэри туруоран дьон-сэргэ сэҥээриитин ылла. Көрдөөх-нардаах сценкалартан , эдэр ыччаттар үҥкүүлэриттэн көрөөччүлэр дуоһуйа сынньаннылар. Долгууна вокальнай ансамбль саҥа ырыаны ыллаан сүрэхтээтэ, тыыннаах доҕуһуолга оонньоон, ыллаан Юлия, Клара Местниковалар, Сергей Прядезников киэһээни киэргэттилэр.
