МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"

Архив за Январь 2025

Бүгүн ол эбэтэр тохсунньу ый 31 күнүгэр нэһилиэкпит киинигэр, дойдуга биллэриллибит Аҕа дойдуну көмүскээччилэр, республикаҕа Ийэ дойдуну уонна улууска биллэриллибит тыа хаһаайыстыбатын сылларын үөрүүлээх быһыыга майгыга арыйдыбыт.

Бүгүн тохсунньу 22 күнүгэр Н.М.Винокуров аатынан Курбуһахтааҕы кырдьаҕастар уонна инбэлииттэр дьиэлэригэр «Сандал» СК уонна нэһилиэк уус-уран самодеятельнаһын кыттыылахтара буолан үүммүт 2025 сылынан эҕэрдэ кэнсиэр көрдөрдүбүт.

Бүгүн биһиги нэһилиэкпитигэр биир улахан суолталаах бэлиэ тэрээһин буолан ааста. Ол курдук ыаллыы сытар Өлтөх нэһилиэгиттэн айааннаан кэлбит, Улуу Кыайыы Знамятын үөрүүлээх быһыыга майгыга көрүстүбүт. Делегация салайааччытынан Уус-Алдан улууһун депутаттарын сэбиэтин председателя Иннокентий Иннокетьевич Аммосов, Ноговицын Роман Николаевич- старший сержант, хорсун быһыы иһин мэтээлинэн наҕараадаламмыт, анал байыаннай дьайыы кыттыылааҕа, Кириллин Станислав Александрович- ЧВК Вагнер байыаһа, Бахмут куораты ылыы иһин «Эр Хоһуун (Хара Кириэс)» уордьанынан наҕараадаламмыт, анал байыаннай дьайыы кыттыылааҕа, Степанов Айаал Эдуардович- Уус-Алдан дьаһалтатын дьиэ кэргэн уонна ыччат политикатын управлениятын салайааччыта, Винокурова Мария Платоновна- Уус-Алдан улууһугар «Бастыҥнар» оҕо хамсааһынын салайааччыта, бу курдук састааптаах делегация Улуу Кыайыы Знамятын Курбуһах нэһилиэгэр илдьэ кэлэ сырытта.

Саҥа 2025 сылынан «Сандал» сынньалаҥ киинигэр тохсунньу ый 16 күнүгэр, күнүс 3 чаастан Курбуһах нэһилиэгин бэтэрээннэрин уонна доруобуйаларынан хааччахтаах дьоммутугар сынньалаҥ биэчэр буолан ааста 7 да буоллаллар Саҥа сылы уруйдуу үөрэ -көтө көрүстүлэр эдэр сааспыт үҥкүүлэрэ, ырыалара ылланнылар. Бириистээх араас оонньуулар оонньоннулар. Маскарад күрэҕэр Степанида Егорова уонна Анна Пухова бырааһынньыгы киэргэттилэр Моруос Оҕонньор,Хаарчаана эҕэрдэлээтилэр. Бары бэртээхэй настарыйыанньаланан үөрэн көтөн тарҕастылар.