Записи в рубрике Uncategorized
«Ийэ тыл, сурук-бичик» күнүгэр анаан «Чуораанчык» оҕо уһуйаанын иитиллээччилэригэр «Кыһын уһаабытын, сайын кылгаабытын» туһунан остуоруйа көрдөрдүбүт. Уһуйаан быйылгы бэлэмнэнии группатын иитиллээччитэ Уйгулаана Винокурова оһуохайдаан үөртэ
Саха республикатыгар Культура сылынан уонна «Ийэ тыл, сурук-бичик» күнүгэр анаан «Н.Н. Окоемов аатынан Курбуһах орто оскуолатын» үрдүкү сүһүөх үөрэнээччилэрин икки ардыгар «Культура-үтүөҕэ-кэрэҕэ угуйар, үүнүүгэ-сайдыыга кынаттыыр» диэн өйтөн суруйууга күрэх түмүгүн таһаардыбыт. 1 миэстэни — Аммосов Проня 11 кылаас, 2 миэстэни — Местникова Клара 9 кылаас, 3 миэстэни — Васильева Күннэй 11 кылаас үөрэнээччилэрэ ылары ситистилэр. Кыттыыны ылбыт оҕолорбут культура нэһилиэккэ суолтатын туһунан наһаа истиҥник суруйбуттар махталбытын тиэрдэбит. Культура суолтатын ис сүрэхтэриттэн өйдүүллэрин билэн сүргэбит көтөҕүлүннэ. Өссө да ыытар тэрээһиннэрбитигэр кыттыыны ылыахтара диэн эрэнэбит.
Бүгүн Балаҕаннаахха культура сылын аһыллыыта буолла. Окоемовкаттан , Уус- Күөлүттэн, Балаҕаннаахтан культура үлэһиттэрэ уонна художественнай самодеятельность кыттыылаахтара күүтүүлээх ыалдьыт буолан олохтоохторго бэртээхэй кэнсиэри бэлэхтээтилэр. Курбуһах нэһилиэгин дьаһалтатын солбуйар баһылыга Аммосова Анастасия Ивановна эҕэрдэ тылынан, культура ветеран үлэһитэ, Балаҕаннаах культуратын сэбиэдиссэйэ Оконешникова Евдокия Гаврильевна ветеран культура үлэһиттэригэр эҕэрдэ суругун туттарыытынан кэнсиэри ситэрэн -хоторон биэрдилэр .
Бүгүн олунньу ый 6 күнүгэр Петр Петрович Местников аатынан «Алгыс» культурнай-спортивнай кииҥҥэ Россияҕа сомоҕолоһуу уонна Саха Өрөспүүбүлүкэтигэр Культура сылын нэһилиэккэ Курбуһах сирин 3 бөһүөлэгин Окоемовка, Уус- Күөлэ, Балаҕаннаах олохтоохторо үөрэн-көтөн, чахчы да бары түмсэн, 3 бөһүөлэктэн ырыаны таптааччылар мустан, үҥкүүнү сэргээччилэр улахан концерт туруордулар.Бары күүс-көмө буолбут нэһилиэкпит сынньалаҥ киинин иһинэн үлэлиир бөлөхтөрбүтүгэр махталбытын тиэрдэбит
Тохсунньу ый 31 күнүгэр киэһээ 19:00ч «Сандал» сынньалаҥ киинигэр НЭҺИЛИЭКПИТИГЭР КУЛТУУРА СЫЛЫН АРЫЙАР «Култуура- үтүөҕэ, кэрэҕэ угуйар, үүнүүгэ-сайдыыга сирдиир» Курбуһах култууратын: Окоемовко, Балаҕаннаах, Уус-Күөлэ бөһүөлэктэрин холбоһуктаах, улахан кэнсиэрэ буолан ааста. Бука бары нэһилиэкпит культурата сайдарын туһугар кылааттарын киллэрсэ сылдьар дьоммутугар барҕа махталбытын тиэрдэбит!
Бүгүн Мүрү нэһилиэгэр Всероссийскай «Северная звезда» конкурска «Сандал» сынньалаҥ киинин иһинэн тэриллибит «Сардаана» ыччат үҥкүү бөлөҕө 3 степеннээх лауреат уонна «Чэмэлиинэ» орто көлүөнэ үҥкүүһүттэрин бөлөҕө 2 степеннээх лауреат буолары ситистилэр. Үҥкүүһүттэрбитигэр уонна эдэр кэскиллээх салайааччыга Санаайа Мичильевна Курилкинаҕа истиҥ эҕэрдэбитин тиэрдэбит.
Кыайыы 80 сылын көрсө убаастыыр, ытыктыыр сценабыт ветераннара, баян тыаһынан элэҥнээн ааспыт эдэр саастарын санаан кэнсиэрдээн сүргэлэрэ көтөҕүллүбүт ытык ветераннарбытыгар анаабыт кэнсиэрдэрин өссө төгүл дуоһуйа көрүн!
Бүгүн ол эбэтэр ахсынньы ый 3 күнүгэр бүтүн өрөспүүбүлүкэ үрдүнэн ыытыллар чөл олоххо анаммыт тэрээһин чэрчитинэн, «Чөл, уһун олох- бэйэм илиибэр» доруобуйа тупсарыгар аналлаах тэрээһинэ буолан ааста. Программаҕа: Диспанцеризация барыы туһалааҕын туһунан бэсиэдэ сөптөөхтук аһааһын уонна БАДтары туһаныы тула кэпсэтии скадинавскай хаамыы туһатын кэпсээһин
Бэҕэһээ нэһилиэкпитигэр «Сандаар, сандаар күөх харыйа» күүтүүлээх кэтэһиилээх Саҥа Дьылбыт бырааһынньыга чугаһаабытын бэлиэтин нэһилиэкпит биир улахан харыйатын сандаардар үөрүүлээх күнэ үүннэ.Кырачаан дьоммут оҕолорбут үөрэн- көтөн, Моруос оҕонньорбут сиэн кыыһынан Хаарчаналыын эҕэрдэлэрин истэн үөрэн- көтөн тарҕастылар.
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"
ВАМ У НАС ПОНРАВИЛОСЬ?
Чтобы оценить УСЛОВИЯ предоставления услуг наведите камеру Вашего телефона и сканируйте QR-код.
Перейдя по ссылке Вы сможете:
• оценить условия оказания услуг:
Комфорт и санитарно-гигиеническое состояние помещений Доброжелательность и вежливость работников
Легкость получения информации о работе организации и ее точность
Легкость записи для получения услуги и своевременность ее оказания
Доступность для инвалидов
• оставить свое обращение,
Ваша оценка поможет нам стать лучше и убедиться, что все хорошо!