Архив за Март 2025
Бэҕэһээ биһиги нэһилиэкпитигэр улууспутугар Культура отдела тэриллибитэ 80 сылынан кэрэни кэрэхсиир нэһилиэкпитигэр коллекционердар выставкалара буолан ааста.Убаастабыллаах коллекционердар биир санаалаахтар бу ыытыллыбыт тэрээһиҥҥэ көхтөөхтүк кыттыбыккытыгар махталбытын тиэрдэбит. Выставкаҕа кыттыыны ыллылар Бэрт Ууһун нэһилиэгин ”Утум» коллекционердар түмсүүлэрэ.
Арассыыйаҕа култуура үлэһитин күнүгэр анаан «Күн эйгэ – көлүөнэ ситимэ» култуура бастыҥ үлэһиттэрин талар күөн-күрэс буолла. Күрэскэ алта нэһилиэктэн култуура икки көлүөнэ үлэһиттэриттэн биирдии бастыҥ кытынна: Ульяна Босикова, Айнура Стручкова (Дүпсүн), Николай Бурнашев, Милена Рязанская (Курбуһах), Мария Лебедкина, Алена Гаврильева (Найахы), Александра Саввина, Лилия Бурцева (Өлтөх), Наталья Гоголева, Ньургуйаана Куприянова (Тулуна), Ольга Павлова, Мария Заболоцкая (Мүрү).
Күрэс түһүмэхтэринэн кыттааччылар бэйэни билиһиннэрдилэр, бырайыактарын көмүскээтилэр, талааннарын, көрөөччүлэри кытта үлэлиир сатабылларын оонньуу ыытан көрдөрдүлэр. Бу киэһэни саха телевидениетын эдэр ыытааччыта Аскалон Семенов иилээтэ-саҕалаата. Кыттыыны ылбыт Милена Рязанская, Николай Бурнашев анал аат хаьаайыннарынан буоллулар, коллегаларбытыгар махталбытын тиэрдэбит
Алаас сонуннара. Бэҕэһээ 20.03.2025 с. Балаҕаннаах олохтоохторо, өрөгөйдөөх Улуу Кыайыы 80 сылын көрсө- Н.М.Винокуров аатынан Курбуһахтааҕы кырдьаҕастар уонна инбэлииттэр дьиэлэригэр кэнсиэрдээн аастылар. Оҕолор үҥкүүлэрэ, улахан дьон урукку ырыалара, хоһоонноро, сыанкалара көрөөччүлэр биһирэбиллэрин ылан ытыс дохсун тыаһынан доҕуһуолланна.
Былырыын Курбуһах нэһилиэгэ СӨ Ил Дарханын Граныгар киирсэн, оҕолорго уонна төрөппүттэргэ саха тылын харыстыыр, сайыннарар сыаллаах “Ийэ тыл эйгэтэ” бырайыага кыайыылаах буолбута. Манна Курбуһах нэһилиэгин дьаһалтата, үөрэх, култуура тэрилтэлэрэ былааннахтык ылсан үлэлии сылдьаллар. Бырайыак салайааччыта Курбуһах нэһилиэгин баһылыгын солбуйаачы Аммосова Анастасия Ивановна. “Олоҥхо Дьиэтэ” этнокультурнай киин бу бырайыак партнера буолан, бэҕэһээ Курбуһах нэһилиэгин Окоемовка, Уус-Күөлэ, Балаҕаннаах оҕо саадтарыгар уонна алын сүһүөх оскуола оҕолоругар Г.Н.Иванова-Айтыына “Элэмэс аттаах Эрэли бухатыыр” куукуланан олоҥхо туруоруутун көрдөрдүлэр таабырыннары, өс хоһооннору таайтардылар, викторина ыыттылар. Оҕолор ийэ тыл эйгэтигэр киирэн, көхтөөх кыттыыны ыллылар.
Балаҕаннаахха,бэҕэһээ 03.03.25с. Улуу кыайыы 80 сылыгар аналлаах улахан тэрээһин буолла. «Ол суостаах сыллар умнуллубаттар» инсцен. представление, эр дьон үс хамаанданан арахсан күрэхтэһиилэрэ саллаат сылаас чээйдээх аһылыгынан түмүктэннэ.
Кулун тутар 1 күнүгэр биһиги нэһилиэкпитигэр улууска ыытылла турар «Уруйдуубут Улуу Кыайыыны!» фестиваль көрүүтэ буолан ааста. Ол курдук фестиваль түмүгүнэн дьүүлүүр сүбэ: выставкаҕа- 4.3 баалы, кэнсиэргэ 4.35 баалы уонна уопсайа 4.23 баалы туруордулар. Кэнсиэр түмүгүнэн миэстэтигэр лауреаттары бэлиэтээтилэр, ол курдук: 1. «Тускул» ыччат түмсүүтүн үҥкүүһүттэрэ «Эҕэрдэ үҥкүүтэ» 2. Квартет «Тиит мас» 3. Милена Рязанская сольнай үҥкүү «Месяц май» 4. Виталий Курилкин сольнай ырыа «Русский танк Алеша» 5. «Долун» фольклорнай бөлөх 6. «Ньургуһун» ырыа ансаамбыла «Родина» ырыа. Фестиваль кэнсиэригэр бары кыттыбыт дьоммутугар махталбытын тиэрдэбит!
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"
ВАМ У НАС ПОНРАВИЛОСЬ?
Чтобы оценить УСЛОВИЯ предоставления услуг наведите камеру Вашего телефона и сканируйте QR-код.
Перейдя по ссылке Вы сможете:
• оценить условия оказания услуг:
Комфорт и санитарно-гигиеническое состояние помещений Доброжелательность и вежливость работников
Легкость получения информации о работе организации и ее точность
Легкость записи для получения услуги и своевременность ее оказания
Доступность для инвалидов
• оставить свое обращение,
Ваша оценка поможет нам стать лучше и убедиться, что все хорошо!