4 марта, 2026 Бүгүн Уус Күөлүгэр Н.Н. Окоемов аатынан Курбуһах орто оскуолатыгар Российскай Федерация үлэ Геройа Готовцев Михаил Николаевиһы кытары көрсүһүү буолан ааста. Онно Балаҕаннаах оскуолатын үөрэнээччилэрин учуутал Бурнашева Г. Ф. уонна культура үлэһитэ Оконешникова Е. Г. арыаллаан илдьэ киирэ сырыттылар. Хаартыскаҕа түһүү кэнниттэн алын сүһүөх кылаастар оҕолоругар М. Н. Готовцев олоҕун, үлэтин туһунан видеослайдалаах оҕолорго сөптөөх билиһиннэрии, викторина уонна мастер класс ыыттылар. Балаҕаннаах оскуолатын үөрэнээччилэрэ боппуруостарга үчүгэйдик кытыннылар. Ол курдук 4-с кылаас туйгун үөрэнээччитэ Вензель Айхал бастакы миэстэ, 2-с кылаас туйгун үөрэнээччитэ Оконешникова Сайаана иккис миэстэ буолан Үлэ Геройа Готовцев М.Н. хаартыскалаах грамотанан наҕараадаланнылар. Ол кэнниттэн нэһилиэк спортивнай залыгар киэҥ ис хоһоонноох экспонаттары, араас сылларга ылбыт наҕараадаларын көрдүлэр. Онон оҕолор историяҕа киирэр көрсүһүүгэ сылдьан патриотическай иитиигэ биир улахан билиини ылан кэллилэр Опубликовано в Uncategorized Комментариев нет »
27 февраля, 2026 Россия үрдүнэн норуоттар сомоҕолоһуулара, Саха республикатыгар культура, улууспутугар түмсүү уонна бииргэ үлэлээһин сыллара биллэриллибиттэринэн, үгэс буолбут сылын аайы ыытыллар «ОЛУННЬУТААҔЫ ООННЬУУЛАР» Окоемовка бөһүөлэгин олохтоохторо 3 хамаандаҕа арахсан спорт 9 көрүҥэр 4 күн устата күөн көрүстүлэр. Бөһүөлэкпит олохтоохторо: оготуттан огонньоругар тиийэ кэлэн көхтөөх кыттыыны ыллылар, кыттаачыларга ыалдьан өйөбүл буоллулар. Ол курдук, хабылык, хаамыска, дуобат, теннис, дартс, салгын саанан ытыы, эстафета , канат тардыһыыта, волейбол курдук көрүҥнэргэ илин кэлин түһүстүлэр уонна хамаанданан викторинаҕа кыттан тургутугу аастылар. Бары да олус көхтөөхтүк кыттан олус сэргэх эрчимнээх нэдиэлэ ааста. Күрэхтэһии күнүгэр олохтоохтор группаларыгар күрэх туһунан иһитиннэрии тэҥинэн бара турбут буолан дьон тэҥҥэ ыалдьа, көрө олордо. Окоемовка дьоно- сэргэтэ спорт нэдиэлэтиттэн астыммытын биллэрдэ. Опубликовано в Uncategorized Комментариев нет »
16 февраля, 2026 2014 сыл Россияҕа культура сылынан биллэриллибитэ, Курбуһах нэһилиэгэр Россияҕа биллэриллибит культура сылын үөрүлээх арыллыытыгар аналаах кэнсиэри көрүн- сэргээн! Опубликовано в Uncategorized Комментариев нет »
14 февраля, 2026 Олунньу 14күнүгэр Бороҕоҥҥо Кырдьыбат вальс» бальнай үҥкүү республиканскай турнирыгар Курбуһах нэһилиэгин Балаҕаннаах бөһүөлэгиттэн Нам улууһун бальнай, спортивнай үҥкүүлэр республиканскай элбэх турнирдарын кыайыылааҕа, билигин Балаҕаннаах бөһүөлэгин салайааччытынан үлэлии сылдьар, педагогическай үлэ ветерана уонна «Танцует Якутия» 1985с. республиканскай үҥкүү күрэҕин уонна оройуоннай, улуснай бальнай үҥкүүнү көрүүлэр кыайыылаахтара, сцена ветерана Оконешников Иван Ильич 2-с миэстэни ылан биир дойдулаахтарын үөртүлэр. Баҕарабыт бу культура сылыгар кэрэ эйгэтигэр өссө да умнуллубат үөрүүлээх түгэннэр, ситиһиилэр кэлэ туралларыгар. Опубликовано в Uncategorized Комментариев нет »
14 февраля, 2026 Бүгүн олунньу 14 күнүгэр Мүрү нэһилиэгэр «Кырдьыбат вальс» республикатааҕы бальнай үҥкүү күрэҕэр Курбуһах нэһилиэгин «Төлөн» в/т үҥкүүһүттэрэ кыттыыны ылан кэллилэр. Гранд Сеньоры-1 категорияҕа Гуляева Светлана, Васильев Серафим — 4 миэстэ, Гранд Сеньоры-3 категорияҕа Бурнашева Светлана, Черноградский Василий — 3 миэстэ, Гранд Сеньоры-4 Самсонова Маргарита, Барашков Семен 4 миэстэ буолары ситистилэр. Салайааччы: Санаайа Курилкина. Опубликовано в Uncategorized Комментариев нет »
14 февраля, 2026 «Ийэ тыл, сурук-бичик» күнүгэр анаан «Чуораанчык» оҕо уһуйаанын иитиллээччилэригэр «Кыһын уһаабытын, сайын кылгаабытын» туһунан остуоруйа көрдөрдүбүт. Уһуйаан быйылгы бэлэмнэнии группатын иитиллээччитэ Уйгулаана Винокурова оһуохайдаан үөртэ Опубликовано в Uncategorized Комментариев нет »
13 февраля, 2026 Саха республикатыгар Культура сылынан уонна «Ийэ тыл, сурук-бичик» күнүгэр анаан «Н.Н. Окоемов аатынан Курбуһах орто оскуолатын» үрдүкү сүһүөх үөрэнээччилэрин икки ардыгар «Культура-үтүөҕэ-кэрэҕэ угуйар, үүнүүгэ-сайдыыга кынаттыыр» диэн өйтөн суруйууга күрэх түмүгүн таһаардыбыт. 1 миэстэни — Аммосов Проня 11 кылаас, 2 миэстэни — Местникова Клара 9 кылаас, 3 миэстэни — Васильева Күннэй 11 кылаас үөрэнээччилэрэ ылары ситистилэр. Кыттыыны ылбыт оҕолорбут культура нэһилиэккэ суолтатын туһунан наһаа истиҥник суруйбуттар махталбытын тиэрдэбит. Культура суолтатын ис сүрэхтэриттэн өйдүүллэрин билэн сүргэбит көтөҕүлүннэ. Өссө да ыытар тэрээһиннэрбитигэр кыттыыны ылыахтара диэн эрэнэбит. Опубликовано в Uncategorized Комментариев нет »
10 февраля, 2026 Бүгүн Балаҕаннаахха культура сылын аһыллыыта буолла. Окоемовкаттан , Уус- Күөлүттэн, Балаҕаннаахтан культура үлэһиттэрэ уонна художественнай самодеятельность кыттыылаахтара күүтүүлээх ыалдьыт буолан олохтоохторго бэртээхэй кэнсиэри бэлэхтээтилэр. Курбуһах нэһилиэгин дьаһалтатын солбуйар баһылыга Аммосова Анастасия Ивановна эҕэрдэ тылынан, культура ветеран үлэһитэ, Балаҕаннаах культуратын сэбиэдиссэйэ Оконешникова Евдокия Гаврильевна ветеран культура үлэһиттэригэр эҕэрдэ суругун туттарыытынан кэнсиэри ситэрэн -хоторон биэрдилэр . Опубликовано в Uncategorized Комментариев нет »
6 февраля, 2026 Бүгүн олунньу ый 6 күнүгэр Петр Петрович Местников аатынан «Алгыс» культурнай-спортивнай кииҥҥэ Россияҕа сомоҕолоһуу уонна Саха Өрөспүүбүлүкэтигэр Культура сылын нэһилиэккэ Курбуһах сирин 3 бөһүөлэгин Окоемовка, Уус- Күөлэ, Балаҕаннаах олохтоохторо үөрэн-көтөн, чахчы да бары түмсэн, 3 бөһүөлэктэн ырыаны таптааччылар мустан, үҥкүүнү сэргээччилэр улахан концерт туруордулар.Бары күүс-көмө буолбут нэһилиэкпит сынньалаҥ киинин иһинэн үлэлиир бөлөхтөрбүтүгэр махталбытын тиэрдэбит Опубликовано в Uncategorized Комментариев нет »
