Записи в рубрике Uncategorized
«ОЛОҔУМ КӨМҮС КҮҺҮНЭ» дьоро киэһэтэ үөрүүлээхтик буолан ааста! Бүгүн Алтынньы 9 күнүгэр, киэһэ 19:00 чаастан, «Алгыс» сынньалаҥ киинигэр, бөһүөлэкпит ытыктабыллаах аҕам саастаах дьоно мустан, «Олоҕум көмүс күһүнэ» диэн ааттаах сылын аайы буолар кыстыкка киириигэ көрсүһэр дьоро киэһэлэрин үөрүүлээхтик бэлиэтээтибит Тэрээһин бырагыраамата олус интэриэһинэй уонна араас этэ. Мустуу кэнниттэн, остуол бэлэмнээһинигэр үөлээннээхтэр бэйэлэрин дьикти минньигэс астарын аҕалан, биир кэлим устуол тардыллыбыта. Онтон 2025-2026 сылларга кыттыбыт тэрээһиннэртэн хаартыскалары көрүү буолла, дьон өйдөрүн-санааларын сөргүтэн, күлүү-үөрүү аргыстаах ааспыта.Эҕэрдэлэр уонна уопсай ырыалар дьоро киэһэни өссө да киэргэттилэр. Биирдиилээн уонна хамаанданан көрдөөх-нардаах тэттик оонньуулар сэргэхситтилэр, оҕо саастарын санаан үөрэн-көтөн оонньоотулар.
«Күһүҥҥү киһи күлбүтүнэн» лотерея оонньонон, сүүйүүлээх дьон оҕуруот аһын, балыгы, барыанньаны уонна да атын бэлэхтэри ылан астыннылар.Киэһэ түмүгэр, урукку кэмнээҕи үҥкүү-битии доҕуһуолунан саастаахтар сэргэхтик үҥкүүлээтилэр, кыстыкка киириэх иннинэ үөрүүлэрин көрсөн күүс-уох эбиннилэр. Бу дьоро киэһэ бөһүөлэкпит аҕам саастаах дьонугар сэниэни, күүһү эбэн, кыстык иннинэ үчүгэй настроенияны бэлэхтээтэ. Бары кэлбит дьоҥҥо махталбытын тиэрдэбит!
Бүгүн алтынньы 9 күнүгэр күнүс 15ч00м спортзалга сааһырбыттар декадаларын үөрүүлээх сабыллыыта буолан ааста.Программаҕа:
Алтынньы ый 8 күнүгэрКырдьаҕастар декадаларын чэрчитинэн, П.П. Местников аатынан «Алгыс» культурнай-спортивнай кииҥҥэ дьоро тэрээһин буолан ааста. «Кыайыгас уһун олох: Доруобуйаҕа хардыы» диэн ааттаах фитнес-зарядка саастаах дьоммутугар анаан тэрилиннэ. тэрээһини сынньалан киин специалистара ыыттылар бу зарядкаҕа кэлбит дьон күүс-уох ылынан, санааларын күүһүрдэн, эттэрин-сииннэрин чэбдигирдэн бардылар Маннык үтүө үгэстэр салгыы да ыытылла туруохтара.
Бүгүн Алтынньы ый 7 күнүгэр Окоемовкатааҕы «Алгыс» сынньалаҥ киинигэрКырдьагастар декадаларын чэрчитинэн Минньигэс астаах, үтүө санаалаах Варвара Петровна Ховрова эбээлэргэ трайфл кайфл диэн аныгы десерт астааһыныгар буор босхо маастар- кылаас ыытта. Мастер- кылааска Варвара олус элбэх сүбэлэри эттэ, лайфхактары көрдөрдө, астыыр бүлүүдэбитин барытын олус ымпыктаан — чымпыктаан өйдөнүмтүө гына кэпсээтэ, көрдөрдө. Бары астына салайааччы ыйыытынан кэрдиитинэн олус минньигэс, кэрэ көстүүлээх десерт астаан дьиэбитигэр илии тутуурдаах тарҕастыбыт. Варвараҕа махтал үтүө санааҕар, сүбэҕэр. Этэҥҥэ үлэлээ хамсаа, доруобай сырыт, дьиэ кэргэҥҥэр дьолу, тапталы баҕарабыт. Маннык үтүө санаан эйиэхэ сүүс төгүлүнэн эргийэн тиийдин.
Алтынньы ый 6 күнүгэр, улууспут киинигэр Мүрү нэһилиэгэр «Наше наследие» республиканскай конкурс зональный түһүмэҕэр киирбит «Долун» фольклорнай коллектив сал. Айтана Кындалбанова уонна «Чэмэлиинэ» үҥкүү кружогун орто саастаахтарыгар сал. Санаайа Курилкина кыттан кэллилэр. Нэһилиэкпит аатын ааттата күрэхтэргэ кыттар, көхтөөх дьоммутугар «Сандал» сынньалаҥ киин улэһиттэрин аатыттан махталбытын тиэрдэбит.
Кырдьаҕастар декадаларыгар доруобуйаны бөҕөргөтүүгэ сэһэргэһии
Алтынньы ый 6 күнүгэр, Орто күн, Кырдьаҕастар декадаларын чэрчитинэн, саҥа эдэр фельдшербыт саастаах дьоммутугар анаан доруобуйаны бөҕөргөтүүгэ сэһэргэһиини ыытта. Тэрээһиҥҥэ кэлбит ытыктабыллаах кырдьаҕастарбыт доруобуйаларын туһунан мунаарар ыйытыыларыгар хоруйдары, ону таһынан туһалаах сүбэлэри уонна амалары ыллылар. Фельдшер кинилэри интэриэһиргэтэр ыйытыыларыгар сиһилии эппиэттээн, чөл олоҕу тутуһарга туһуламмыт сүбэлэри биэрдэ. Сэһэргэһии КСК үөһээ этээһигэр, улахан хоско, күнүс 11… (читать далее)
Алтынньы 2 күнүгэр сааһырбыттар декадаларын чэрчитинэн «Сандал» сынньалаҥ киин үлэһиттэрэ культура ветераннарыгар Алексеев Егор Ивановичка уонна Винокурова Елена Николаевнаҕа тимуровскай көмө оҥордубут. Ветераннарбыт махтанан эдэр улэһиттэргэ махтал тылларын эттилэр.
Буүгүн бөһүөлэкпит Эдэр, Орто көлүөнэ ыччаттара волонтёрскай көмө Анна Гаврильевнаҕа 🤗Савва Иннокентьевичка🤗 дьиэ тас улэтин Ол курдук, мас хайытан саһааннаан сыыс ыраастаан 🙌Анна Гаврильевнаҕа мууһун дьаһайан үөрэн-көтөн кэллибит 🥳🤗көмөлөспүт ыччаттарбытыгар Аграфена Дмитриевнаҕа, Валентин Васильевичка, Федор Александровичка, Нарыйа Александровнаҕа, Варвара Петровнаҕа махталбытын тиэрдэбит 🙌куруук маннык бэйэ бэйэгэ көмөлөсүһэр буолуохха🤗🥰🙏
Алтынньы 1 күнүгэр Аан дойдутааҕы сааһырбыттар күннэринэн«Көмүс сааһы уруйдаан!» — сааһырбыттар декадаларын үөрүүлээх аһыллыыта «Сандал» СК буолан ааста.Бырааьынньыктааҕы сандалы тула нэһилиэк баһылыгын эҕэрдэтэ;-«Төлөн» в/т сал. эҕэрдэтэ.-нэһилиэккэ саҥа үлэлии кэлбит Курбуһахтаагы участковай балыаһа эдэр улэһиттэрэ субэлэрэ.-«Толкуйдаа, оонньоо, кыай!» ителлектуальнай оонньуу;-Муз. эҕэрдэлэр;-Үҥкүү-битии буолан ааста.Кэлэн дуоһуйа сынньанан барбыт аҕам саастаахтарбытыгар истиҥ махталбытын, аны даганы ыытар тэрээьиннэрбитигэр кэлэн кыттыахтара диэн эрэлбитин биллэрэбит. Тэрээһиммитин тэрийэрбитигэр кыттыыны ылбыт дьоммутугар махтал истиҥ тылларын этэбит. Доруобай эрэ буолун.
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"
ВАМ У НАС ПОНРАВИЛОСЬ?
Чтобы оценить УСЛОВИЯ предоставления услуг наведите камеру Вашего телефона и сканируйте QR-код.
Перейдя по ссылке Вы сможете:
• оценить условия оказания услуг:
Комфорт и санитарно-гигиеническое состояние помещений Доброжелательность и вежливость работников
Легкость получения информации о работе организации и ее точность
Легкость записи для получения услуги и своевременность ее оказания
Доступность для инвалидов
• оставить свое обращение,
Ваша оценка поможет нам стать лучше и убедиться, что все хорошо!