МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"

Бүгүн биһиги нэһилиэкпитигэр биир улахан суолталаах бэлиэ тэрээһин буолан ааста. Ол курдук ыаллыы сытар Өлтөх нэһилиэгиттэн айааннаан кэлбит, Улуу Кыайыы Знамятын үөрүүлээх быһыыга майгыга көрүстүбүт. Делегация салайааччытынан Уус-Алдан улууһун депутаттарын сэбиэтин председателя Иннокентий Иннокетьевич Аммосов, Ноговицын Роман Николаевич- старший сержант, хорсун быһыы иһин мэтээлинэн наҕараадаламмыт, анал байыаннай дьайыы кыттыылааҕа, Кириллин Станислав Александрович- ЧВК Вагнер байыаһа, Бахмут куораты ылыы иһин «Эр Хоһуун (Хара Кириэс)» уордьанынан наҕараадаламмыт, анал байыаннай дьайыы кыттыылааҕа, Степанов Айаал Эдуардович- Уус-Алдан дьаһалтатын дьиэ кэргэн уонна ыччат политикатын управлениятын салайааччыта, Винокурова Мария Платоновна- Уус-Алдан улууһугар «Бастыҥнар» оҕо хамсааһынын салайааччыта, бу курдук састааптаах делегация Улуу Кыайыы Знамятын Курбуһах нэһилиэгэр илдьэ кэлэ сырытта.

Саҥа 2025 сылынан «Сандал» сынньалаҥ киинигэр тохсунньу ый 16 күнүгэр, күнүс 3 чаастан Курбуһах нэһилиэгин бэтэрээннэрин уонна доруобуйаларынан хааччахтаах дьоммутугар сынньалаҥ биэчэр буолан ааста 7 да буоллаллар Саҥа сылы уруйдуу үөрэ -көтө көрүстүлэр эдэр сааспыт үҥкүүлэрэ, ырыалара ылланнылар. Бириистээх араас оонньуулар оонньоннулар. Маскарад күрэҕэр Степанида Егорова уонна Анна Пухова бырааһынньыгы киэргэттилэр Моруос Оҕонньор,Хаарчаана эҕэрдэлээтилэр. Бары бэртээхэй настарыйыанньаланан үөрэн көтөн тарҕастылар.

9 геройдаах Уус-Алдан улууһугар Россия геройдарын күнүн бэлиэтээһин буолан ааста. Биир дойдулаахпыт үлэ геройа Николай Дмитриевич Бурнашев биир дойдулаахтарын аатыттан «Ньургуһун » ансамбль музыкальнай эҕэрдэ тиэртэ салайааччы Айыына Алексеева

Сэтинньи 4 күнүгэр Н.С.Пестряков аатынан Уус-Күөлүнээҕи библиотекаҕа, олохтоох дьаһалта, «Сандал» СК, тэрийиилэринэн доруобуйаларыгар хааччахтаах дьон аан дойдутааҕы күннэригэр аналлаах декада аһыллыыта буолла. «Саһарҕа» инбэлииттэр түмсүүтүн чилиэннэрэ минньигэс астаах, итии чэйдээх остуол тула олорон инники тэрээһиннэри былааннаатылар, көрдөөх оонньуулары, ылбаҕай ырыалары ыллаан сэргэхсийэн тарҕастылар.

Ахсынньы 3 күнүгэр Бороҕоҥҥо 15-төгүлүн ыытыллар, «Хомус кырдала» республиканскай конкурска Курбуһах нэһилиэгиттэн 3-с саас оскуолатын иһинэн тэриллибит «Дьүрүһүй» хомусчуттар бөлөхтөрө аан маҥнайгыларын улахан конкурска кыттыыны ылан кэллилэр сал. Рязанская М.Р. Бу ыытыллыбыт конкурска «Сандал» СК фольклорга специалиһа Рязанская М.Р. биирдиилээн толорооччуларга 2-с үрдэли ылары ситистэ

Сэтинньи 29 күнүгэр Уус-Күөлүнээҕи «Сандал» СК. Хомус күнүн көрсө «Дьүрүһүй хомуһум» флешмоб буолан ааста. Бу күн «Дьүрүһүй» хомус ансамблын кыттыылаахтара хомуска астына-дуоһуйа хомуска сахалыы матыыптары оонньоон иһитиннэрдилэр. Онтон «Чуораанчык» уһуйаанна «Сандал» СК специалиһа Милена Рязанская хомус тыаһын иһитиннэрэн, оҕолор хомус матыыбынан норуот ырыаларын толордулар

Сэтинньи 27 күнүгэр Уус-Күөлүн бөһүөлэгин түөлбэлэрин икки ардыларыгар Байанай ыйынан, Олоҥхо декадатынан уонна улууска биллэриллибит «Аҕа» сылынан Курбуһах нэһилиэгин Кубогар «Өбүгэ оонньуулара» күрэхтэһии буолан ааста. Күрэхтэһии түмүгүнэн «Баһылык кубогын» 1 м. ылбыт «Кырдал» түөлбэҕэ туттарыллынна, түөлбэ сал. Местникова М.В., 2 м. ылла «Сайдыы» түөлбэ сал. Нафанаилова С.К., 3 м. ылары тигистэ «Аргыс» түөлбэ, сал. Ермолаева Т.И. Кыайыылаахтар бары нэһилиэк баһылыга олохтообут сыаналаах бириистэринэн, мэтээллэринэн, мэҥэ суруктарынан наҕараадаланнылар.

Сэтинньи 26 күнүгэр «Сандал» СК. Олоҥхо декадатын чэрчитинэн нэһилиэкпит түөлбэлэрин икки ардыларыгар «Олоҥхо дойдутун оонньуулара» билиини- көрүүнү тургутар 7 түһүмэхтээх күрэхтэһии буолан ааста. Күрэхтэһии түмүгүнэн «Кырдал», «Көмүөл» түөлбэлэр тэҥ билиилээх буолан 1 м. үллэһиннилэр 2 м. «Сайдыы» түөлбэ таҕыста