Балаҕан ыйын 25 күнүгэр Окоемовкатааҕы «Алгыс» культурнай-спортивнай кииҥҥэ «Театр Боотура» документальнай киинэни көрүү буолан ааста. Көрөөччүлөр киинэ ис хоһоонун сэргээтилэр, айар куттаах дьон үлэтин үрдүктүк сыаналаатылар. Кэлбит уонна өйөөбүт бары ыалдьыттарга махтал хаалар!
Балаҕан ыйын 24 күнүгэр киэһээ 17ч «Сандал» СКуонна күнүс 15ч Курбуһахтааҕы кырдьаҕастар уонна инбэлииттэр дьиэлэригэр»ТЕАТР БООТУРА»диэн документальнай киинэни көрдөрдүбүт.
Бүгүн балаҕан ыйын 25 күнүгэр «САНДАЛ» СК үлэһиттэрэ оҕо былаһааккатыгар субуотунньуктаан элээттилэр.
Ыһыахпытыгар Култуура сылынан, «Сандал» СК 70 сыллаах үбүлүөйүн көрсө «Кэрэни айар талааннаах тарбахтар» нэһилиэктэн тахсыбыт норуот маастардара Аммосов Е.Е., Приблых Н.М., Саха Өрөспүүбүлүкэтин култууратын үтүөлээх үлэһитэ Окоемова Л.М. үбүлүөйдээх сылларыгар аналлаах быыстапка турда
Бэс ыйын 21 күнүгэр Курбуһах нэһилиэгэр Култуура сылыгар аналлаах ыһыахха биллиилээх ведущий, тамада, блогер Ньюргуша кэлэн шоу программатынан дьону сэргэхситэн барда. Түгэнинэн туһанан Курбуьахтааҕы дом интернат коллективыгар, салайааччы Местникова М.В. истиҥ махталбытын тиэрдэбит. Балаҕаҥҥа хонон өрөөн бардылар. Махтал!
Культура сылыгар аналлаах Курбуһах нэһилиэгэр ыытыллыбыт ыһыахха биир дойдулаахпыт Курбуһах нэһилиэгэр 50 сыл устата араас хаһаайыстыбаннай, Сэбиэскэй, партийнай салайар үлэгэ үлэлээбит, Саха өрөспүүбүлүкэтин норуотун хаһаайыстыбатын үтүөлээх үлэһитэ, Бочуот знага орден кавалера Уус-Алдан улууһун, Курбуһах нэһилиэгин бочуоттаах олохтооҕо Петр Николаевич Аммосов ахтыытыгар олоҕуран нэһилиэккэ кулууп дьиэтин историятын көрдөрөр «Нэһилиэккэ култуура сайдыыта» дьүһүйүү туруорулунна. Дьүһүйүүгэ «Сандал» сынньалаҥ киин үлэһиттэрэ уонна нэһилиэк самодеятельноһын актыыбынай кыттыылаахтара кытыннылар. Кыттыбыт дьоммутугар истиҥ махталбытын тиэрдэбит!
«Үрдүкү Айыыларга сүгүрүйүү» — Үрүҥ Тунах ыһыах сиэрэ-туома. Алгыһы түһэрдэ СӨ норуотун хаһаайыстыбатын үтүөлээх үлэһитэ, Уус-Алдан улууһун уонна Курбуһах нэһилиэгин бочуоттаах олохтооҕо, В.А.Кондаков аатынан норуот эмчиттэрин ассоциациятын алгысчыта Костромин Николай Николаевич
Ыһыах күн 16:00 чаастан «Ыллаа, үнкүүлээ ыһыах түһүлгэтэ» култуура, уус-уран самодеятельность бастыҥнарын кэнсиэрэ буолан ааста.
Ыам ыйын 20 күнүгэр Пионерия уонна Сайылык күнүн бэлиэтиир тэрээһиннэр иһинэн. Окоемовка бөһүөлэгин урукку пионердара уонна эдэр ыччаттар мустан «Сурт кэриэстээх, алаас ааттаах» экспедициябыт ыытылынна. Уопсайа тэрээһиннэ 33 киһи кыттыыны ылла 1 тохтобул: Кыталыкы. Местников В.П. сайылыга (экскурсовод Ховрова М.П) 2 тохтобул: Буом. Бырааттыы оҕуруоччут Цойдар ( экскурсовод Аммосов Е.М, Местникова М.А.) 3 тохтобул: Социалистическай үлэ Героя Бурцева Е.И. төрөөбүт сирэ.(экскурсовод Местникова Л.П.) 4 тохтобул. Нэлэгэр сайылык. Аҕа дойду сэриитигэр барбыттарга аналлаах пааматынньык. Сибэкки ууруута. Олус элбэҕи биллибит. Экскурсоводтарбытыгар сэргэх кэпсээҥҥит иһин махтал массыынанан илдьибит, аҕалбыт дьоммутугар барҕа баһыыба! Итии аһынан маанылаабыт дьоммутугар, хаартыскаҕа , видеоҕа түһэрэн бу күнү уйэтиппит ыччаттарбытыгар баһыыбалыыбыт, бары учугэйи баҕарабыт! П.П.Местников аатынан Окоемовкатааҕы «Алгыс» культурнай спортивнай киин
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УС-КЮЕЛЬСКИЙ ЦЕНТР ДОСУГА "САНДАЛ" МУНИЦИПАЛЬНОГО ОБРАЗОВАНИЯ "КУРБУСАХСКИЙ НАСЛЕГ"
ВАМ У НАС ПОНРАВИЛОСЬ?
Чтобы оценить УСЛОВИЯ предоставления услуг наведите камеру Вашего телефона и сканируйте QR-код.
Перейдя по ссылке Вы сможете:
• оценить условия оказания услуг:
Комфорт и санитарно-гигиеническое состояние помещений Доброжелательность и вежливость работников
Легкость получения информации о работе организации и ее точность
Легкость записи для получения услуги и своевременность ее оказания
Доступность для инвалидов
• оставить свое обращение,
Ваша оценка поможет нам стать лучше и убедиться, что все хорошо!